15. März 2010
Posted in
Beeri - Buech
Dr Alldaag het is widder voll im Griff!Nach e re nid unbedingt umwärfende Voorfaasnacht, aber em e glungene "Beeri-Daag" und fir mi perseenlig lessige Faasnacht, waart ich scho gschlageni 3 Wuche uf lääsbari Vorfaasnachts- und Faasnachtsbricht...
Aber ebbe: Me het kai Zyt...
Derby kennt me doch au vom Umzuug in Lörrach eppis schryybe! Zem Byspiil, dass dr Umzuug spass gmacht het und e huffe Lyt am Strooosserand gstande sin. Oder, dass die baide Biihnenuftritt grundsätzlig dr Plausch gmacht hän (wäre deert nid die obligaate Vorfaasnachts-Lapsus gsi...). Aber me kennt au dervo verzelle, wie me e Päusli mit glatte Lyt gmacht het und deert dr Aint oder Ander "Schwoob" kenne glernt het.
Aber ebbe: Me het kai Zyt...
Au vom Beeri-Daag gäbs sicher Aneggtoode, wo lääsenswärt sin! Ich dängg z.B. an s Yyspiile vom Reggwysit, wo nid e jede si's Inschdrumänt derby kaa het. Oder dr alljäärig Plausch bi de Behinderte im glaine Saal vom Volggshuus, wo me allewyyl härzlig empfange und aschliessend au no bewirtschaftet wird (gratis Apéro bis zem Abwingge). Au dä fir uns aimoolig Aalass "Ypändlete" vo dr Gugge Barbarossa im Saal vom Restaurant Altes Warteck, wo dr Leif pletzlig e Ventilkappe nimme kaa het... Au die neyschte Väärs vom Super Bebbi hän mer derfe heere (Touch Handy...).
Aber: Me het kai Zyt...
Und wie isch d Basler Faasnacht gsi? Dr Mäntig? Dr Zyschtig? Und dr Mittwuch?
Was isch aigentlig am Keeruus im Keeryy so gloffe??
Ou sorry, kaa nimme schryybe!
D'Zyt lauft mir dervo...
Ebbe: Me het kai Zyt..!
