S Broobe weekend in Mont Dedos

Geschrieben von: Peti Coutts | 19. September 2011
Posted in Beeri - Buech

s isch widder emol sowyt gsy und mir Stachelbeeris han ys zem Broobe Weekend dasmol widder in Mont Dedos droffe. Mr sin jo vor zway joor au schon emol dert gsy.

Ney in däm joor isch gsy, das die wo zyt gha hän und händ welle scho am Frytig obe sich händ keene vrfahre.. ähh.. uffe fahre..

Wenn ma das plänli do eso aaluegt isch jo aigentligg nid wyters schwär zem s Huus finde wo mir yyquartiert sin 

Wenn dr Muusigschef mit Pippi....

Mr hän also groosses und vyyl uffem Broogram gha fir das Broobe Weekend, d ziel sind hoch gsteggt gsy und so hän mr den au dr Samschtig in aagriff gno.
Nachdäm do Noochzyygler den am Samschtig frieh hän miese uffstoh und den au yydroofe sin, alli andere scho zmeergelet hän ischs den uff die 10ni mit de Broobe loosgange.
Zer uffloggerig und yywärme zerscht e baar bekannti “alti” Gassehauer und den uffdaile vo de regischter und den d stimme.
Mit de Nooteblätter vrtailt isch es den loos gange mit em yyschduriere fir die neye styyggli und ganz ehrligg, won ychs broogram gheert ha … :s. Umso erstuunter und glaubed ych han am Samschtig obe e soone Stolz uff die druppe im ranze gha. Aber, dr raihe no-... In jewyylige abständ sin mr den immer widder zämme ko und hän broobiert das gleehrte zämme z spyyle. Aigentligg scho bim erschte mool het mekeene eraahne das au das Joor widder e Superduuper Broobeweekend wird. So het den au unsere Muusigscheff dr P@t. No vor em znachtässe und y glaub ych ha e wenely Pippi in de Auge seh uffblitze, gsait: Jää vrglemmi nonemool jetzt waiss grad gar niimi was ych mit eych bis am zähni zobe mache soll.... Y glaub scho das elai isch e ryyse komplimänt an die ganzi Gugge, ans Muusiggremium fir die Sensationelli vorberaitig und sälbschtvrständlig au an unsere Muusigschef sälber!
Nachdäm mr am Samschtig also näbschteme Medley au no ame bestehende Styygli umme gschliiffe hän isch doch daatsächlich au no e wyyters drin gläge und das isch den wirkligg e Hienerhuut Styygg...
Ihr derfet also mit Spanning uff d Fasnacht warte und ych glaub es wird eych wenn irr uns heertet genau so go wie uns.
Nachem znacht hän mr den die zyt no gnutzt um die neye sache au no z feschtige und no e wenely dr fiinschliff aa zbringe bevor mr den das ganze hän lo ussblämberle und no gmietligg zämme geehglet sin unds no luschtig gha hän.