|
28. Januar 2012
Posted in
Beeri - Buech
Stuubete 20.01.2012
Ganz gspannt sin vieli Beeris und Passivmitglieder anere Iladig vom Erle-Schittlete OK Team gfolgt, und sin an die erschti Stachelbeeri-Stuubede.
Nid wirklig z’wüsse was is erwartet, sin mir am Fritig Obe in Käller. Hinter dr Stachelbeeri-Türe het uns e schön fasnächtlich dekorierte Ruum empfange. Ziemlich gli hän mir scho überall Räppli kha.
Näbscht diverse Getränk het me diversi gueti Sache wie Faschtewaie und Mählsuppe könne bstelle.
Gli sin mir offiziel begrüesst worde und dure vielfältige Obe gfüehrt worde.
Zwaierlizwigger hän uns e paar Bängg zum beschte gäh, Barbarossa Schlurfer hän uns e lessigs Ständeli botte und dr Pfarrer Anathol (alias Superbebbi) het fiechtfröhlich unseri Fasnacht gsägnet.
Aber mir hän uns nid nur könne beriessle loh, sondern hän au miesse unseri Hirnwindige astränge mit eme Quiz zur Stachelbeeri gschicht. Sieger sin natürlich spöter kührt worde.
Aktiv hän au miesse 12 Stachelbeeri bimene Spiel si, wo die vo dr Glücksfee Superbebbi usgwählte hän miesse um Stüehl kämpfe. Jede wo kei Stuehl me verwütscht het, het jetzt d Ehr e Bricht schribe, grad so wie ich.
Es isch e sehr unterhaltsame und luschtige Obe gsi und wunderbar organisiert. Dangge viel mol!
Stephie
