Geschrieben von: Administrator | 17. Juni 2010
Posted in Beeris LIVE

Im glas do hoggt en wätterfrosch er wais nid was oder wie n er s wott,
eb s Rägne, gwittere oder Hagle duet ob d sunne schyynt oder grad gar nyt
goht.

er hoggt unschlyysig in sim glas und luegt froogend in die grosi Wält,
vellicht das mr en zahle mien, aber y glaub es goht em nid um s gält.

Drum bitte mir dy liebe Petrus gib dir e rugg,
und im Wätterfrosch sy vrtraue zrugg.

Am frytig, samschtig wenn du, Petrus so lieb wärsch,
wär s kaibe glatt wenn du ys e bits mit scheen wätter beschärsch.

e so das dr wätterfrosch zem leiterli uff und ibere rand
mit syyne liebschte in d Lange-Erle hand in hand.

Folg yys unufelig uf Twitter: http://twitter.com/Stachelbeeri

---